Претседателката на Македонско-бугарската стопанска комора присуствуваше на свечениот настан по повод одбележувањето на 34 години од основањето на Царинската управа на Република Северна Македонија, кој се одржа на 14 април 2026 година во Македонската филхармонија во Скопје.
На настанот беа присутни високи државни претставници, претставници од дипломатскиот кор, бизнис заедницата и меѓународни организации. Во своите обраќања, учесниците ги истакнаа резултатите од работењето на Царинската управа, особено во делот на спречување на нелегални активности, зголемување на јавните приходи и спроведување на реформски процеси.
Свеченоста беше посветена на досегашните достигнувања на институцијата, како и на зајакнување на нејзината улога во унапредување на економската стабилност и безбедноста на државата. Настанот уште еднаш ја потврди важноста на Царинската управа како клучна институција во обезбедување стабилни и предвидливи услови за стопанството, заштита на легалната трговија и поттикнување на економскиот развој. Беше истакната и потребата од континуиран дијалог меѓу институциите и бизнис заедницата, како предуслов за понатамошно унапредување на деловната клима и регионалната економска соработка.
Присуството на претседателката на МБСК ја потврдува посветеноста на Комората кон следење на клучните институционални и економски процеси во земјата, како и кон унапредување на дијалогот помеѓу бизнис заедницата и државните институции.
