Печатница Европа 92 ДООЕЛ Кочани

Печатницата ЕВРОПА 92 е печатарско-графички бренд кој успешно се носи со европската конкуренција, благодарение на визионерските потези и инвестиции и следејки ги во чекор современите текови во графичката индустрија. Така се создаваше респектибилен производствено-административен простор од 8500м2 и растеше бројот на вработени до 120 висококвалификувани и обучени работници.

Во ЕВРОПА 92 работникот е на прво место, а грижата за него е постојана. Таквата определба ја потврдуваме со организирање стручна обука на нововработените лица, кои се оспособуват и се стекнуват со напредни квалификации за современите барања на графичката и печатарската индустрија, бидејќи само така се гарантира одржливост на долгорочен план.

Во овој се повеќе дигитален свет, професионалниот начин на комуникација со нашите потенцијални и редовни клиенти и стручните совети, безрезервно и на најквалитетен можен начин се настојува да се помогне во реализација на нарачаниот производ.

Како резултат на сето ова, ЕВРОПА 92 има континуиран раст на производството, како финансиски така и материјално. Порастот е континуиран во последните пет години и е со стапка на раст од над 20%.

Голем дел од производството е за домашниот пазар, но значаен дел е наменет и за извоз. Во последните години направен е пробив во земјите на Европската Унија меѓу кои Германија, Грција и Бугарија, како и постојан извоз во земјите од соседството.

Гаранција за успешно извршената работа се нашите производствени капацитети со најсовремена графичка опрема, тим од врвно обучен кадар и примена на ISO стандардите. Сите вработени се залагаат за постојано унапредување на интегрираниот систем за управување со квалитетот, услугата и заштитата на животната средина во согласност со стандардите ISO9001, ISO2000-1 и ISO14001, како и заштита и безбедност на вработените по ISO45001 и заштита на информациите со кои располага печатницата по стандардите ISO27001 и користење на сертифицирани FSC материјали.